U druhim tury vybaraŭ u Iranie supraćstajać adzin adnamu buduć refarmist i kansiervatar
Druhi tur adbudziecca 5 lipienia, bo nichto z kandydataŭ nie nabraŭ bolš za 50% hałasoŭ.
29.06.2024 / 12:04
Masud Piezieškijan i Said Džalili. Fota: Vahid Salemi / AP, Morteza Fakhri Nezhad / IRIB via AP
Refarmist Masud Piezieškijan i kansiervatar Said Džalili lidzirujuć u pieršym tury vybaraŭ prezidenta Irana pa vynikach apracoŭki ŭsich biuleteniaŭ. Pakolki nichto z kandydataŭ nie nabraŭ bolš za 50% hałasoŭ, Piezieškijan i Džalili sustrenucca ŭ druhim tury 5 lipienia.
Jak paviedamiŭ pradstaŭnik vybarčaha štaba Isłamskaj Respubliki Machsien Esłami ŭ efiry telekanała IRIB, paśla padliku 24,5 młn hałasoŭ na ŭsich 58,6 tys. učastkaŭ Piezieškijan nabiraje 10,4 młn, pradstaŭnik duchoŭnaha lidara Irana ŭ Najvyšejšaj radzie nacyjanalnaj biaśpieki Respubliki Džalili — 9,5 młn.
Hetyja vybary ŭ Iranie pazačarhovyja, paśla taho jak 19 maja raźbiŭsia ŭ avijakatastrofie prezident Raisi.
Usia ŭłada ŭ Iranie naležyć duchoŭnamu lidaru ajatale Chamieniei, ale pasada prezidenta druhaja pa značnaści.
Na prezidenckich vybarach u Iranie lidziruje kansiervatyŭny kandydat