U nastupny pakiet dapamohi Ukrainie buduć uklučanyja sistemy SPA Hawk
Administracyja Džo Bajdena nadaść Ukrainie ŭzbrajeńnie i bojeprypasy na sumu 150 młn dalaraŭ, uklučajučy pierachopniki SPA Hawk i artyleryjskija bojeprypasy kalibra 155 mm, paviedamili ŭ piatnicu dva pradstaŭniki Biełaha doma, piša «Hołas Amieryki».
29.06.2024 / 16:29
Puskavaja ŭstanoŭka Hawk. Fota: Wikimedia Commons
Pa słovach krynic, jakija havaryli na ŭmovach ananimnaści, aficyjnaja abjava ab novym pakiecie abaronnaj dapamohi Kijevu budzie zroblena ŭ paniadziełak.
ZŠA pačali adpraŭlać pierachopniki Hawk va Ukrainu ŭ 2022 hodzie ŭ dadatak da pieranosnych zienitnych rakietnych kompleksaŭ Stinger.
Madel MIM-23 HAWK była ŭviedziena ŭ dziejańnie ŭ 1950-ch hadach i madernizavałasia na praciahu mnohich hadoŭ dla supraćdziejańnia rakietnym napadam. Pavodle źviestak Pientahona, hetaja sistema SPA była ekspartavanaja ŭ bolš čym 10 krain.
U dadatak da rakiet-pierachopnikaŭ Hawk i artyleryjskich bojeprypasaŭ kalibra 155 mm pakiet budzie ŭklučać inšyja bojeprypasy i abstalavańnie dla padtrymki abaronnych patreb Ukrainy, dadali krynicy.
ZŠA pačynajučy z 2022 hoda nadali Ukrainie bolš za 50 miljardaŭ dalaraŭ u vyhladzie vajskovaj dapamohi.
Ułady ZŠA prapanujuć $10 miljonaŭ za infarmacyju pra hramadzianina Rasii
«My rašuča nastrojenyja, što Ukraina pavinna pieramahčy ŭ hetaj vajnie» — Blinkien
Bolšaja častka dapamohi ad ZŠA pastupić va Ukrainu tolki letam