У Парыжы пасля абнародавання вынікаў экзітполаў тысячы людзей выйшлі на вуліцы
У Парыжы на вуліцы выйшлі тысячы людзей, пратэстуючы супраць першых вынікаў экзітполаў парламенцкіх выбараў, згодна з якімі перамагае ўльтраправая партыя «Нацыянальнае абʼяднанне» на чале з Марын Лё Пэн.
01.07.2024 / 07:39
У Парыжы пасля абнародавання вынікаў экзітполаў тысячы людзей выйшлі на вуліцы. Фота: AP Photo / Louise Delmotte
Частка пратэстоўцаў залезла на манумент у цэнтры плошчы, адкуль размахвалі сцягамі Палестыны і ПАР, а таксама плакатамі «супраць фашызму».
Большасць дэманстрантаў былі маладымі і скандавалі лозунгі кшталту «фашысты прэч».
Па даных праведзеных на ўчастках апытанняў, на датэрміновых парламенцкіх выбарах у Францыі ўпэўнена перамагае ўльтраправая партыя «Нацыянальнае абʼяднанне», атрымаўшы 34% галасоў. Цэнтрысцкая партыя прэзідэнта Эмануэля Макрона на трэцім месцы з 22% галасоў.
На парламенцкіх выбарах у Францыі перамагаюць ультраправыя з Марын Лё Пэн. Партыя Макрона трэцяя
У Францыі пачаліся пазачарговыя парламенцкія выбары
Марын Лё Пэн: Калі мы сфармуем урад, французскіх вайскоўцаў ва Украіне не будзе