Paśla troch hadoŭ źniavoleńnia vyjšaŭ na svabodu hrodzienski błohier Vadzim Vadimati Jermašuk
Jamu inkryminavali abrazu Łukašenki i ździek ź dziaržaŭnych simvałaŭ.
01.07.2024 / 10:37
Błohier Vadzim Jermašuk vyjšaŭ na svabodu 29 červienia 2024 hoda, paviedamlajecca na sajcie «Viasny».
Jermašuk — papularny hrodzienski błohier, viadomy jak Vadimati.
Jon byŭ zatrymany ŭ žniŭni 2021 hoda ŭ Ščučynie, kudy pajechaŭ zdymać rolik. Paśla 40 sutak administracyjnaha aryštu na jaho zaviali dźvie kryminalnyja spravy — pavodle artykuł 368 KK (Abraza Łukašenki) i artykuł 370 KK (ździek ź dziaržaŭnych simvałaŭ).
21 śniežnia 2021 hoda ŭ Ščučynskim rajonnym sudzie Jermašuku vynieśli prysud — try hady kałonii. Jon całkam adbyŭ pryznačanaje pakarańnie, znachodziŭsia ŭ kałonii ŭ Babrujsku.