U Salihorskim rajonie našeście vielizarnych smaŭžoŭ
Miascovyja žychary bajacca zastacca biez uradžaju.
01.07.2024 / 12:37
U Salihorskim rajonie ŭ vioscy Čyževičy adbyvajecca našeście vielizarnych smaŭžoŭ, piša Blizko.by sa spasyłkaj na «Salihorski televizijny kanał».
Ludzi raspaviali, što ich aharody atakujuć vielizarnyja smaŭžy, jakija jaduć litaralna ŭsie raśliny — ad harodniny da kvietak. Miascovyja žychary bajacca zastacca biez uradžaju.
Adznačajecca i toje, što pobač z učastkami jość kanava i šmat dreŭ, jakija stvarajuć cień. Usio heta spryjajuć tamu, što smaŭžy chutka razmnažajucca i rastuć. Darosłyja asobiny mohuć dasiahać pamieru da 15 santymietraŭ u daŭžyniu.
Śpiecyjalisty adznačajuć, što źjaŭleńnie takoha liku škodnikaŭ tłumačycca ŭmovami nadvorja, — bahatyja apadki i ciapło.
Dadamo i toje, što dziejsnaha sposabu dla fiermieraŭ pazbavicca ad takich škodnikaŭ, ciapier niama. Zmahacca ź imi možna admysłovymi pastkami, źbirać uručnuju, a taksama razvodzić kačak, jakija buduć jeści smaŭžoŭ.