«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki
U pryhraničnych čatach pišuć, što z 1 lipienia źmianilisia praviły ŭvozu tavaraŭ ź Biełarusi ŭ Łatviju.
01.07.2024 / 14:31
Ilustracyjny zdymak. Fota: «Naša Niva»
Pad zabaronaj — šmat tavaraŭ
Pa novych praviłach, jakija pačali dziejničać z 1 lipienia, zabaroniena pravozić ź Biełarusi kaśmietyku, ałkaholnyja i tytuniovyja vyraby, tekstyl, zołata, ałmazy i inšyja tavary.
Padarožniki pišuć, što łatvijskaja mytnia prymušaje vykidać navat adkryty pačak cyharet. Niekatoryja karystalniki pišuć, što mytniki dazvalajuć pakinuć tolki adnu cyharetu.
«Nam siońnia paviedamili, što zhodna z novymi sankcyjami nielha pravozić kaśmietyku, ale pry hetym ni ŭ kaho, zdajecca, nie zabirali», — dzielicca biełaruska dośviedam prajezdu praź miažu.
Što z tavarami z Duty Free?
Taksama kažuć pra poŭnuju zabaronu na pravoz ałkaholu. U tym liku nie biełaruskaj vytvorčaści, jaki byŭ nabyty ŭ Duty Free. Toje samaje tyčycca i kaśmietyki.
Nakolki stroha łatvijskaja mytnia stavicca da vykanańnia novych patrabavańniaŭ, skazać składana. Adnyja pišuć, što ahlad byŭ davoli paviarchoŭny i mytniki nie zaŭvažyli niekatoryja rečy, jakija, pa ich słovach, nielha ŭvozić. Inšyja naadvarot kažuć, što praces pravierki kudy bolš žorstki, čym, naprykład, pry pierasiačeńni miažy ź Litvoj.
«Praviarali z sabakam. Dapytvali pa maršrucie i ŭsich mytnych farmalnaściach», — pišuć karystalniki.
Nažy i kastruli adabrali
Padarožnica, jakaja viezła piečyva, šakaładnyja cukierki, ziefir, miod, prypravy raspaviadaje, što zmahła biez prablem pravieźci hetyja pradukty, choć łatvijskaja mytnia i prahaniała sumki i čamadany praz skanier.
Ilustracyjny zdymak. Fota: «Naša Niva»
«Ale nielha bolš pravozić cyharety, ałkahol. Spasyłajucca na niejkija sankcyi, jakija nabyli moc z 1 lipienia. Pa tych ža sankcyjach, kažuć, nielha ŭvozić kaśmietyku i naohuł šmatlikija biełaruskija tavary. Adbirali vyraby ź mietału, nažy, kastruli, niekatoryja vyraby z płastyku», — dzielicca nazirańniami padarožnica.
Inšyja kažuć, što mytniki paviedamlajuć pra zabaronu pravozić i charčovyja tavary.
Čamu tak adbyvajecca?
Chutčej za ŭsio, mytnia Łatvii spasyłajecca na rehłamient savieta ES 2024/1865 ad 29 červienia 2024 hoda. Dakumient ab abmiežavalnych mierach u suviazi ź situacyjaj u Biełarusi i ŭdziełam Biełarusi ŭ rasijskaj ahresii suprać Ukrainy byŭ apublikavany ŭ aficyjnym časopisie Jeŭrapiejskaha sajuza 30 červienia.
Nahadajem, što mienavita Łatvija jašče ź leta 2022 hoda mieła samyja strohija praviły ŭvozu paliva, ałkaholnych i tytuniovych vyrabaŭ ź Biełarusi. Biez apłaty adpaviednych padatkaŭ heta možna ŭvozić ź Biełarusi i Rasii nie čaściej za adzin raz u 30 dzion.
Čamu biełaruskija ŭłady aścierahajucca zakryćcia miažy z Polščaj?