Ad 11 z pałovaj da 10 hadoŭ. Vynieśli prysudy «analitykam Cichanoŭskaj»
Hienieralnaja prakuratura paviedamiła pra prysudy, vyniesienyja pa kryminalnaj spravie adnosna ŭdzielnikaŭ «ekstremisckaha farmavańnia «Analityki Śviatłany Cichanoŭskaj». Pa joj prachodzili 20 čałaviek, a sud prachodziŭ zavočna, bo ŭsie abvinavačanyja znachodziacca za miažoj.
01.07.2024 / 18:17
Pa spravie prachodzili nastupnyja 20 čałaviek: Alaksandr Dabravolski, Ryhor Astapienia, Filip Bikanaŭ, Juryj Drakachrust, Andrej Kazakievič, Hanna Krasulina, Jaŭhien Kryžanoŭski, Dzianis Kučynski, Vieranika Łapućka, Alaksandr Łahviniec, Hanna Lubakova, Vasil Navumaŭ, Maryja Rohava, Piotra Rudkoŭski, Alesia Rudnik, Natalla Rabava, Pavieł Usaŭ, Taćciana Čulickaja, Alaksandr Šłyk, Kaciaryna Šmacina.
Spravu razhladaŭ sudździa Uładzimir Areška.
Zhodna z materyjałami spravy, usich abvinavačvali ŭ ździajśnieńni «złačynstvaŭ ekstremisckaha charaktaru» ŭ suviazi z kampanijaj pa vybarach Alaksandra Łukašenki, a taksama ŭ postelektaralny pieryjad:
- zmova z metaj zachopu dziaržaŭnaj ułady niekanstytucyjnym šlacham (č. 1 art. 357 KK RB);
- udzieł u ekstremisckim farmiravańni i ŭvachodžańnie ŭ skład takoha farmavańnia ŭ metach ździajśnieńnia złačynstva ekstremisckaj nakiravanaści (č. 3 art. 361-1 KK);
- spryjańnie ŭ publičnych zaklikach da zachopu dziaržaŭnaj ułady; ździajśnieńnie inšych dziejańniaŭ na škodu nacyjanalnaj biaśpiecy Respubliki Biełaruś; zaklikach, skiravanych da zamiežnaj dziaržavy, zamiežnaj i mižnarodnaj arhanizacyi, ździajśnieńnie dziejańniaŭ na škodu nacyjanalnaj biaśpiecy Respubliki Biełaruś z vykarystańniem ŚMI i sietki Internet (č. 6 art. 16, č. 3 art. 361 Kryminalnaha kodeksa Respubliki Biełaruś (u redakcyi ad 26 traŭnia 2021 hoda);
- spryjańnie ŭ naŭmysnych dziejańniach, nakiravanych na raspalvańnie sacyjalnaj varožaści i varožaści pa prykmiecie inšaj sacyjalnaj prynaležnaści, učynienych hrupaj asob (č. 6 art.16, č. 3 art. 130 KK RB).
Akramia taho, Alaksandra Dabravolskaha abvinavačvali ŭ kiraŭnictvie ekstremisckim farmavańniem (č. 1 art. 361-1 KK).
Sud prahnazavana pryznaŭ usich 20 analitykaŭ vinavatymi pa ŭsich punktach abvinavačvańnia i pryznačyŭ im nastupnyja pakarańni:
- Alaksandru Dabravolskamu — 11 hadoŭ 6 miesiacaŭ pazbaŭleńnia voli sa štrafam u pamiery 6000 bazavych vieličyń (240 tys. rubloŭ);
- Hańnie Krasulinaj, Dzianisu Kučynskamu, Piotru Rudkoŭskamu, Alaksandru Šłyku — pa 11 hadoŭ pazbaŭleńnia voli sa štrafam ad 1000 da 40000 bazavych vieličyń (ad 40 tys. da 1,6 młn rubloŭ);
- Paŭłu Usavu — 11 hadoŭ pazbaŭleńnia voli;
- Ryhoru Astapieniu, Filipu Bikanavu, Juryju Drakachrustu, Andreju Kazakieviču, Jaŭhienu Kryžanoŭskamu, Vieranicy Łapućka, Alesiu Łahvincu, Hańnie Lubakovaj, Vasilu Navumavu, Maryi Rohavaj, Alesi Rudnik, Natalli Rabavaj, Taćcianie Čulickaj, Kaciarynie Šmacinaj — pa 10 hadoŭ pazbaŭleńnia voli.
Samy šmatludny zavočny sud: pačynajecca razhlad «spravy analitykaŭ Śviatłany Cichanoŭskaj»
Hienprakuratura nakiravała ŭ sud spravu «analitykaŭ Cichanoŭskaj» i vybrała «kiraŭnika»
Dabravolski pra spravu «analitykaŭ Cichanoŭskaj»: Nie ŭsie mnie byli znajomyja, heta absurd
Śledčy kamitet aryštavaŭ majomaść 20 «analitykaŭ Cichanoŭskaj»
SK zavioŭ spravy na 20 «analitykaŭ Cichanoŭskaj». Tam jość i analityki suprać Cichanoŭskaj