U Kličaŭskim rajonie sudmiedekśpierty vyličyli ŭhonščyka matacykła pa pachu
U milicyju źviarnuŭsia žychar ahraharadka ŭ Kličaŭskim rajonie, jaki zajaviŭ, što ŭnačy ź piatnicy na subotu ŭ jaho uhnali matacykł «Minsk». Transpart z klučom u zamku zapalvańnia stajaŭ u dvary pryvatnaha doma ź niezamknutaj bramkaj. Matacykł chutka znajšli, a ŭhonščyka vyjavili niezvyčajnym sposabam.
01.07.2024 / 19:23
Skradzieny matacykł vyjavili na vulicy kala susiedniaha doma, ale ŭ jaho źjavilisia niekatoryja paškodžańni: złamanyja lusterka i pakazalniki pavarotu.
Uhonščyka pobač nie było, ale sudmiedekśpierty na matacykle vyjavili na matacykle «pachavyja ślady». Heta i dazvoliła vyličyć parušalnika.
Im akazaŭsia 18-hadovy adnaviaskoviec paciarpiełaha, jaki vučycca ŭ Babrujskim kaledžy. Uhonščyk pryznaŭsia, što byŭ pjany i prosta zachacieŭ pakatacca na matacykle, choć i nie maje paśviedčańnia kiroŭcy. Adnak matacykł nie zavioŭsia, tamu chłopiec nieŭzabavie kinuŭ jaho niepadalok.
Rabotnik STA vyrašyŭ pakatacca pa Minsku na čužym Porsche
Žychar Minskaj vobłaści sprabavaŭ skraści mašynu mietadam z kino