Макс Корж заявіў у Таліне, што паўнавартасна жыць у кайф цяпер не атрымаецца
Беларускі рэпер Макс Корж 29 чэрвеня сабраў у Таліне поўную футбольную арэну на 15 тысяч гледачоў і падчас канцэрту зрабіў антываенную заяву. Відэа апублікавана на ютуб-канале «Настоящее время. Беларусь».
01.07.2024 / 22:34
Макс Корж. Фота: Wikimedia Commons
Падчас выступлення аўтар хіта «Жить в кайф» звярнуўся да публікі з заклікам спыніць вайну, бо пакуль яна ідзе, жыць у кайф не атрымаецца.
«Можна жыць у кайф, але пакуль мы не спынім вайну, паўнавартасна жыць у кайф у нас не атрымаецца. Спыніце вайну. Ніхто, акрамя нас, яе не спыніць», — заявіў са сцэны артыст.
Пасля нападу Расіі на Украіну Макс Корж неаднаразова выказваўся супраць вайны, запісаў нават дзве антываенныя песні. Праз гэта ён фактычна адмовіўся ад магчымасці выступаць у Расіі і адмяніў ці перанёс запланаваныя там канцэрты. У Беларусі яго таксама ўнеслі ў «чорны спіс».
«Каб хто раскаяўся за гэта». Макс Корж у другія ўгодкі вайны прэзентаваў песню «Халодная раніца»
Махляры дураць беларусаў, абяцаючы ім канцэрты Макса Каржа
Макс Корж: «Не забывайце: беларусы нармальныя»