Pa Varšaŭskim moście z Polščy ŭ Biełaruś pierabieh hoły mužčyna, ruch na paru hadzin prypyniaŭsia
Pa Varšaŭskim moście praz Buh, jaki raźmieščany pamiž Biełaruśsiu i Polščaj, biehaŭ hoły mužčyna. Pra heta raskazali čytačy vydańnia «Lusterka».
01.07.2024 / 22:51
Hoły mužčyna biažyć pa Varšaŭskim moście, 1 lipienia 2024 hoda. Skrynšot: videa čytača
Incydent adbyŭsia ŭviečary 1 lipienia. Jak raskazali vidavočcy, hoły mužčyna pabieh pa Varšaŭskim moście z Polščy ŭ Biełaruś.
«Što ź im było dalej, nieviadoma. Niekatory čas polskija pamiežniki nie prymali transpart, jaki išoŭ z RB», — adznačyŭ čytač.
Pra toje, što kala 19.00 polski bok spyniŭ pryjom aŭtamabilaŭ i aŭtobusaŭ, paviedamlaje i «Virtualny Brest». Na most mahli trapić tolki tyja, chto ruchaŭsia ŭ kirunku Biełarusi.
Adznačajecca, što pa stanie na 21.30 ruch byŭ całkam adnoŭleny ŭ abodva baki.
Aficyjna prypynieńnie ruchu na biełaruska-polskaj miažy nie kamientavali.
Milicyja i ratavalniki zdymajuć absalutna hołaha mužčynu z dachu kramy ŭ Baranavičach VIDEA
Ci možna letam chadzić pa horadzie z hołym torsam? Adkazvaje juryst