Віктар Орбан, магчыма, сёння прыедзе ў Кіеў
Калі не ўмяшаецца нейкі форс-мажор.
02.07.2024 / 07:55
Віктар Орбан. Фота: Denes Erdos / AP
Чакаецца, што ў аўторак венгерскі прэм'ер-міністр Віктар Орбан наведае Кіеў і сустрэнецца з прэзідэнтам Уладзімірам Зяленскім, паведамляе The Guardian са спасылкай на крыніцы
«У аўторак Віктар Орбан наведае Кіеў… у рамках нечаканага візіту аднаго з самых прарасійскіх лідараў Еўропы, які адбудзецца ў той час, калі Венгрыя забірае старшынства ў ЕС паводле ратацыйнага прынцыпу».
Дзве крыніцы ў Будапешце паведамілі, што Орбан, як чакаецца, сустрэнецца з Уладзімірам Зяленскім у Кіеве. Гэтая паездка венгерскага прэм'ер-міністра стане першай ва Украіне пасля пачатку поўнамаштабнага ўварвання РФ.
The Guardian піша, што дарадца кіраўніка Офіса прэзідэнта Украіны Міхаіл Падаляк адмовіўся каментаваць магчымы візіт. Але іншая крыніца ў Кіеве пацвердзіла планы.
«Орбан будзе тут у аўторак, калі не будзе змяненняў у апошнюю хвіліну», — сказала крыніца.
Венгрыя стала старшынёй Еўрасаюза
Венгрыя не будзе блакаваць дапамогу НАТА Кіеву, але сама не будзе дапамагаць
Партыя Віктара Орбана на выбарах у Еўрапарламент паказала найгоршы вынік за 20 гадоў