Byŭ pad narkotykami, akazaŭ supraciŭ. Pamiežniki raskazali pra hołaha mužčynu na miažy pad Brestam
Incydent adbyŭsia kala 17:40 paniadziełka 1 lipienia ŭ aŭtadarožnym mižnarodnym punkcie propusku «Brest-Terespal». Mužčyna sprabavaŭ pierasiačy dziaržaŭnuju miažu Biełarusi z boku Polščy biez adzieńnia i dakumientaŭ. Pamiežniki dali kamientar z hetaj nahody.
02.07.2024 / 11:32
«Mužčyna pavodziŭ siabie nieadekvatna, drenna aryjentavaŭsia ŭ prastory i akazaŭ supraciŭ pahraničnamu naradu. Praviedzieny miedycynski ahlad zatrymanaha vyjaviŭ stan narkatyčnaha apjanieńnia», — paviedamiŭ «Sputniku» aficyjny pradstaŭnik DPK Anton Byčkoŭski.
Mužčynu pryciahnuć da adkaznaści za naŭmysnaje niezakonnaje pierasiačeńnie dziaržmiažy Biełarusi, parušeńnie zakanadaŭstva ab pravavym stanoviščy zamiežnych hramadzian i asob biez hramadzianstva. Akramia taho, u adnosinach parušalnika pačata pravierka pa prykmietach składu złačynstva, praduhledžanaha č.1 art. 366 KK (hvałt u dačynieńni da słužbovaj asoby, jakaja vykonvaje słužbovyja abaviazki).
Zatrymanaha źmiaścili ŭ izalatar časovaha ŭtrymańnia dla dalejšaha razboru.
Jaho asoba vyśviatlajecca.