У Полацку з'явіўся прыгожы мурал з Усяславам Чарадзеем ФОТА
Князя нанеслі на шматпавярховік.
02.07.2024 / 13:11
Фота: Betera
Мурал з выявай князя Усяслава Чарадзея ўпрыгожыў фасад дома па вуліцы Марыненкі.
Усяслаў намаляваны разам з ваўком — згодна з легенда, полацкі князь ператвараўся ў гэтую жывёлу і абыходзіў свае ўладанні. У руцэ ў князя папараць-кветка — гэта адсылка да народнага свята Купалля.
Аўтарам эскізу стала студэнтка Беларускай акадэміі Мастацтваў Аляксандра Прыма. Распісалі фасад дома мастакі Сяргей Рысакоў і Яўген Сасюра. На стварэнне малюнка ім спатрэбілася ўсяго пяць дзён, піша thebtw.com.
Праект арганізавалі арт-супольнасць Urban Myths і Betera. Гэта ўжо другі урал, створаны ў выніку гэтай калабарацыі: раней у Віцебску з'явіўся ўнікальны эка-мурал.