U Połacku źjaviŭsia pryhožy murał z Usiasłavam Čaradziejem FOTA
Kniazia nanieśli na šmatpaviarchovik.
02.07.2024 / 13:11
Fota: Betera
Murał z vyjavaj kniazia Usiasłava Čaradzieja ŭpryhožyŭ fasad doma pa vulicy Marynienki.
Usiasłaŭ namalavany razam z vaŭkom — zhodna ź lehienda, połacki kniaź pieratvaraŭsia ŭ hetuju žyviołu i abychodziŭ svaje ŭładańni. U ruce ŭ kniazia paparać-kvietka — heta adsyłka da narodnaha śviata Kupalla.
Aŭtaram eskizu stała studentka Biełaruskaj akademii Mastactvaŭ Alaksandra Pryma. Raśpisali fasad doma mastaki Siarhiej Rysakoŭ i Jaŭhien Sasiura. Na stvareńnie malunka im spatrebiłasia ŭsiaho piać dzion, piša thebtw.com.
Prajekt arhanizavali art-supolnaść Urban Myths i Betera. Heta ŭžo druhi urał, stvorany ŭ vyniku hetaj kałabaracyi: raniej u Viciebsku źjaviŭsia ŭnikalny eka-murał.