Minčuk abraŭ dziŭny sposab znajomstva ź dziaŭčatami — i atrymaŭ kryminalnuju spravu
Nie abyšłosia bieź piarcovaha bałončyka.
02.07.2024 / 15:15
Skrynšot videa: MUS
Minčuk ź siabram paznajomilisia ź dźviuma dziaŭčatami kala adnoj sa staličnych kramaŭ. Adnak hutarka nie zadałasia.
U niejki momant adnamu z chłopcaŭ zdałosia, što dziaŭčaty nie nadajuć jamu naležnaj uvahi. Zaviazaŭsia kanflikt, padčas jakoha 20-hadovy minčuk raspyliŭ dziaŭčatam u vočy haz ź piarcovaha bałončyka.
Adna z paciarpiełych zmahła zapisać chłopcaŭ na videa. Maładoha čałavieka nieŭzabavie zatrymali.
Jon patłumačyŭ svoj učynak tym, što byŭ pjany. Minčuk nie byŭ sudzimy, nie pryciahvaŭsia ŭ administracyjnaj adkaznaści. Ciapier jon atrymaŭ kryminalnuju spravu za chulihanstva.