У Франкфурце-на-Майне ўвялі прэмію за адмову ад аўтамабіля
Шчыльнасць аўтамабіляў там адна з самых высокіх у Германіі. На 750 000 жыхароў прыпадае 350 000 машын, піша Bild.
02.07.2024 / 15:47
Ілюстрацыйнае фота
Таму ўлады горада, дзе кіруюць партыі СДПГ і «Саюз 90/Зялёныя», вырашылі заахвочваць адмову ад аўтамабіляў.
Зараз кожны, хто здыме машыну з рэгістрацыі, атрымае гадавы праязны на ўсе віды транспарту Deutschlandticket, які дзейнічае па ўсёй Германіі.
Ён каштуе 49 еўра ў месяц — адсюль і сума ў 588 еўра за год.
Аднак бясплатны пракат электрасамакатаў або ровараў не прадугледжаны. Раней аналагічную прэмію ўжо ўвялі ў Марбургу.