«Usprymajuć maje słovy jak papulizm». Padnačalenyja sabatujuć zahad kiraŭnika Minlashasa padniać zarobki
Kiraŭnik Minlashasa Alaksandr Kulik na čarhovaj vytvorčaj naradzie paskardziŭsia, što jahonaje daručeńnie ab pavyšeńni zarobkaŭ nie vykonvajecca.
02.07.2024 / 17:20
Fota: Minlashas
Kulik raniej zajaviŭ, što zarobki laśničych pavinny składać 3000 rubloŭ čystymi, i razdaŭ adpaviednyja daručeńni dyrektaram lashasaŭ. Im ministerstva taksama padniało zarobki.
Pry hetym Kulik paskardziŭsia, što zarobki rabočych haliny nie pavyšajucca.
«Padobna na toje, što niekatoryja dyrektary ŭsprymajuć maje słovy jak papulisckija vykazvańni. Ale heta nie tak. Tak, zarobak pavinien być zaroblenym. Ale jon pavinien być hodnym», — zajaviŭ ministr.
Kulik raskazaŭ, što ŭvieś čas jeździć pa lashasach i razmaŭlaje z rabočymi. Pavodle jaho, jany pa-roznamu aceńvajuć svaje zarobki.
Kiraŭnik Minlashasa paabiacaŭ u kancy lipienia sabrać vialikuju naradu z udziełam usich dyrektaraŭ, namieśnikaŭ kiraŭnikoŭ arhanizacyj pa ideałahičnaj rabocie, staršyniaŭ prafkamaŭ. Jon budzie patrabavać, kab kožny raskazaŭ, što jon zrabiŭ dla pavyšeńnia zarobkaŭ.
Pavodle źviestak za maj 2024 hoda, siaredni zarobak pa krainie ŭ rabotnikaŭ sielskaj, lasnoj i rybnaj haspadarak składaŭ 1844,4 rubla da vypłaty padatkaŭ i zboraŭ.
Kiraŭnik Minlashasa zahadaŭ, kab laśničym płacili 3 tysiačy rubloŭ čystymi
U dyrektaraŭ 22 lashasaŭ zabrali premii za toje, što «pahulalisia»
Minlashas pačynaje sieryjna vypuskać draŭlanyja damy