U ciahnikach Biełčyhunki pačali pakazvać biełaruskaje kino
Pasažyry Biełaruskaj čyhunki zmohuć ciapier u ciahnikach hladzieć biełaruskija filmy, jakija Ministerstva kultury ličyć najlepšymi, piša BiełTA.
02.07.2024 / 17:12
U ciahnikach mižrehijanalnych linij biznes-kłasa, jakija źviazvajuć Minsk z abłasnymi haradami Biełarusi, stała dastupnaja pasłuha prahladu filmaŭ biełaruskaha kiniematohrafa. Prajekt pradstaviła Ministerstva kultury, sfarmavaŭšy padborku filmaŭ z ulikam uzrostavych katehoryj.
Śćviardžajecca, što ahladzieć u ciahniku biełarusy zmohuć jak kłasiku biełaruskaha kino, tak i sučasnyja filmy. Dostup da resursu možna atrymać, padłučyŭšy svoj telefon, płanšet abo noŭtbuk da miedyjaserviera praz Wi-Fi. Ustaloŭvać dadatkovaje prahramnaje zabieśpiačeńnie na hadžety nie patrabujecca.
Na hety momant dastupnyja dla prahladu 22 samyja papularnyja filmy z załatoha fondu «Biełaruśfilma», u tym liku karciny «Alpijskaja bałada», «Biełyja rosy», «U žniŭni 44-ha», «Dzikaje palavańnie karala Stacha» i inšyja. U pierśpiektyvie kolkaść filmaŭ płanujecca pavialičvać.
Za 6 miesiacaŭ 2024 hoda, jak śćviardžajecca, miedyjaservieram skarystalisia kala 100 tysiač pasažyraŭ. Infarmacyja pra miedyjaservier raźmiaščajecca na śpinkach kresła ŭ ciahnikach, dapamahčy z padklučeńniem mohuć i pravadniki.
Ciahniki viciebskaha napramku spaźniajucca ŭ Minsk na dźvie-try hadziny z-za niepahadzi
Kitaj zaciahvaje pastaŭki novych ciahnikoŭ u Biełaruś, bo baicca trapić pad sankcyi
Aryštavanaha za chabar top-mieniedžara Biełčyhunki zvolnili pa karupcyjnym artykule