«My ledź nie zdochli za adzin prypynak». U adnym ź minskich tralejbusaŭ tempieratura padniałasia da 40°
Žycharka Minska padzialiłasia 11-siekundnym rolikam u tyktoku, dzie paskardziłasia na kandycyjanier, jaki pracuje ŭ tralejbusie. Ci z-za niespraktykavanaści kiroŭcy, ci z-za techničnaha zboju chałodnaje pavietra padčas pajezdki źmianiłasia ciopłym, a tempieratura ŭ sałonie dasiahnuła +40°S, zaŭvažyŭ Telegraf.news.
02.07.2024 / 17:40
Skrynšot ź videa
«My ledź nie zdochli za adzin prypynak. Akazałasia, kiroŭca nie choład, a ciapło ŭklučyła», — takimi słovami padpisała karotki videarolik aburanaja karystalnica tyktoku.
Dalej možna pabačyć, jak kamiera pieramiaščajecca na tabło z tempieraturaj, dzie jarka-čyrvonym vyśviečvajucca +40°S.
Reakcyi na heta inšych pasažyraŭ nie pakazana.
Mnohija karystalniki tyktoku ŭ kamientarach dzivilisia, jak takoje naohuł mahčyma. Niekatoryja vykazali zdahadku, što kiroŭca «ŭklučyŭ konder i piečku na poŭnuju». Inšyja pisali, što ŭ tralejbusie «pa chodu niešta złamałasia ci skončyłasia».
«Heta nie kandycyjanier. Kiroŭca piečku ŭklučyŭ, kab ruchavik nie pierahreŭsia. Na žal, takoje praktykujecca ŭ aŭtobusach», — vykazaŭ zdahadku nakont taho, što adbyłosia, adzin mužčyna.
«Ja tak zajšła, prabiła tałon i vyjšła. Nu nafih», — padzialiłasia asabistym dośviedam u kamientarach inšaja žančyna.
Jakija aŭtobusy i tralejbusy prapanujecca admianić paśla adkryćcia novych stancyj mietro KARTA
Prodažy aŭtobusaŭ MAZ u Rasii ŭpali amal u 20 razoŭ
Ź minskich aŭtobusaŭ i tralejbusaŭ prapali schiemy maršrutaŭ. Što zdaryłasia?