Biełaruś užo asvoiła rasijski kredyt na impartazamiaščeńnie i prosić novy
Ułady Biełarusi majuć namier prasić u Rasii dadatkovyja srodki na impartazamiaščalnyja prajekty, paviedamiŭ niadaŭna pryznačany pasoł Biełarusi ŭ Rasii Alaksandr Rahožnik.
02.07.2024 / 17:53
Rahožnik nahadaŭ, što raniej rasijski bok užo vydzieliŭ Biełarusi kredytnuju liniju ŭ 105 młrd rasijskich rubloŭ (kala 1,2 dalaraŭ ZŠA) na realizacyju sumiesnych impartazamiaščalnych prajektaŭ.
«Puł prajektaŭ užo sfarmiravany. Siońnia hetyja ŭsie resursy faktyčna asvojenyja, i my piarojdziem da nastupnaha etapu — prapracoŭki z rasijskim bokam dadatkovaha vydzialeńnia pakieta dla realizacyi vysokatechnałahičnych prajektaŭ, jakija buduć nakiravanyja na zabieśpiačeńnie technałahičnaj niezaležnaści Sajuznaj dziaržavy», — cytujuć Rahožnika dziaržaŭnyja ŚMI.
Pavodle jaho słoŭ, baki realizujuć sumiesnyja prajekty ŭ śfierach mikraelektroniki (pryčym śpiektr kirunkaŭ tut vielmi šyroki), avijabudavańni i stankabudavańni.
«My budziem raspracoŭvać sumiesnyja prajekty ŭ halinie rabatyzacyi i aŭtamatyzacyi vytvorčaści, kab pavyšać technałahičny składnik pramysłovaj vytvorčaści. Ideja zaŭsiody jość, pytańnie ŭ ekanamičnym składniku hetych idej», — rastłumačyŭ Rahožnik.
Hrošy na madernizacyju «Hrodna Azota» daść Rasija
U Hienprakuratury prapanujuć bankam uvieści «astudžalny» pieryjad dla kredytaŭ
Maksimalny pamier ilhotnaha kredytu na biełaruskija tavary mohuć pavialičyć udvaja
Kitaj zaciahvaje pastaŭki novych ciahnikoŭ u Biełaruś, bo baicca trapić pad sankcyi