Polšča choča abmiežavać dla Biełarusi dachody ad tranzitu z Kitaja ŭ ES
U Varšavie pryniali rašeńnie ab uviadzieńni vielmi detalovaha kantrolu na vialikim mytnym terminale na miažy ź Biełaruśsiu. Jak piša «Jeŭrapiejskaja praŭda», pra heta stała viadoma radyjostancyi RMF FM.
02.07.2024 / 22:17
Terminał u Małaševičach. Fota: PKP Cargotor
Havorka idzie pra punkt Małaševičy kala Tarespala. Heta pavinna stać, jak śćviardžajuć polskija dypłamaty, nadzvyčaj žorstkim krokam suprać Mienska.
Ilvinaja dola hruzaŭ z uschodu, u tym liku asnoŭnyja suchaputnyja pastaŭki z Kitaja, nakiroŭvajucca na zachad praz tak zvany «suchi port» Małaševičy. Pa čyhuncy jany nakiroŭvajucca ŭ krainy-siabroŭki ES, a taksama ŭ Hdańsk, adkul adpraŭlajucca ŭ inšyja punkty pryznačeńnia.
Hety tranzit źjaŭlajecca značnaj krynicaj dachodu dla biełaruskaha režymu. Jaho abmiežavańnie moža mieć mnostva nastupstvaŭ. Tamu Ministerstva zamiežnych spraŭ Polščy raźličvaje na cisk Piekina na Minsk, kab prymusić Łukašenku vykanać polskija patrabavańni.
Jak vyśvietliŭ karespandent RMF FM, pryniata rašeńnie ab praviadzieńni nadzvyčaj detalovych i dbajnych pravierak tavaraŭ, jakija ŭjazdžajuć u Polšču. Meta — nie dapuścić traplańnia niebiaśpiečnych pradmietaŭ i rečyvaŭ na terytoryju Jeŭrapiejskaha Sajuza.
Jak nieaficyjna stała viadoma RMF FM, niekalki dzion tamu pa dypłamatyčnych kanałach u Minsk byŭ adpraŭleny sihnał ab tym, što Polšča bolš nie budzie ciarpieć mihracyjny cisk na svajoj miažy, a taksama zatrymańnie polskaha žurnalista i hramadskaha aktyvista Andžeja Pačobuta.
Kaho z palitviaźniaŭ mohuć vypuścić paśla anonsu Łukašenki?
Łukašenka anansavaŭ vyzvaleńnie ciažkachvorych palitviaźniaŭ
Kitaj pierajšoŭ na kryk pa pytańni biełaruska-polskaj miažy. Jak adreahuje Łukašenka?
Kitaj spadziajecca, što Biełaruś i Polšča vyrašać kanflikt biez zakryćcia miažy
Čamu biełaruskija ŭłady aścierahajucca zakryćcia miažy z Polščaj?