«Zrabiŭ hłupstva»: Bajden pryznaŭsia, što ledź nie zasnuŭ na debatach z Trampam
Pavodle jaho słoŭ, heta adbyłosia z-za źmieny hadzinnych pajasoŭ napiaredadni debataŭ, paśla jakich prezidenta ZŠA zaklikali źniacca z prezidenckaj honki.
03.07.2024 / 08:40
Fota: Gerald Herbert / AP
Prezident ZŠA Džo Bajden pryznaŭsia, što amal zasnuŭ padčas niadaŭnich debataŭ z Donaldam Trampam. Pra heta prezident zajaviŭ padčas vystupu na mierapryjemstvie ŭ Maklinie, štat Virdžynija, paviedamlaje Reuters.
Jak rastłumačyŭ prezident, jaho vystupleńnie padčas prezidenckich debataŭ było nie lepšym nibyta z-za źmieny hadzinnych pajasoŭ paśla dvuch zamiežnych pajezdak u pačatku červienia.
«Ja pravioŭ nie samy lepšy viečar, ale ja zrabiŭ hłupstva. Ja vyrašyŭ padarožničać pa śviecie niekalki razoŭ, prajšoŭšy kala 100 hadzinnych pajasoŭ da debataŭ. Nie pasłuchaŭ svaju kamandu, i kali viarnuŭsia, to ledź nie zasnuŭ na scenie. Heta nie apraŭdańnie, heta tłumačeńnie», — skazaŭ jon.
Pryčynaj pravału Bajdena na debatach moh stać čas, u jaki hetyja debaty pravodzilisia
Tramp upeŭniena pieramoh Bajdena na debatach
Treci kandydat. U Robierta Kienedzi-małodšaha ŭsio bolš šancaŭ uklučycca ŭ prezidenckuju honku ŭ ZŠA