«Pavinien vyjści Pačobut». Polski ministr Sikorski znoŭ zahavaryŭ pra mahčymaje zakryćcio miažy dla hruzaŭ
Dva patrabavańni Polščy — vyzvaleńnie Andžeja Pačobuta i spynieńni pravakacyj ź mihrantami.
03.07.2024 / 11:24
Palitźniavoleny žurnalist Andžej Pačobut
Ministr zamiežnych spraŭ Polščy Radasłaŭ Sikorski zajaviŭ, što nie vyklučaje nijakich varyjantaŭ razhortvańnia padziej, adznačyŭšy, što havorka idzie ab spynieńni propusku hruzaŭ. Na jaho vystup u efiry Radio Zet źviarnuŭ uvahu Reform.
«Biełaruś pasyłaje nam sotni mihrantaŭ z rasiejskimi vizami, jakija trapili ŭ Rasiju z krain mihracyjnaj pahrozy, dla jakich raniej Rasija i Biełaruś źniała abmiežavańni. Heta akcyja, jakuju ŭklučajuć i vyklučajuć. Jość takija miesiacy, kali majem nul mihrantaŭ, a potym raptam 300-400 čałaviek štodnia. Ad Biełarusi zaležyć, jana choča mieć lepšyja dobrasusiedskija adnosiny z Polščaj abo horšyja.
U nas jość asnoŭnyja pastułaty: pavinien vyjści Andžej Pačobut i pavinna skončycca akcyja siłavoha vysyłańnia mihrantaŭ», — skazaŭ jon.
«Nie vyklučaju lubych varyjantaŭ», — adkazaŭ jon na ŭdakładniajučaje pytańnie ab tym, budzie zakryćcio miažy ci nie.
«Ab pierachodach dla ludziej nie havorym, nie budziem uskładniać žyćcio zvyčajnym palakam i biełarusam», — dadaŭ Sikorski.
Polšča ŭviadzie detalovy kantrol tranzitu z Kitaja praź Biełaruś, daviała da Minska patrabavańni
Kaho z palitviaźniaŭ mohuć vypuścić paśla anonsu Łukašenki?
Łatuška raskazaŭ, jak sprabavali vyzvalić palitviaźniaŭ u abmien na dopusk Biełarusi da Alimpijady