Palitźniavolenaja redaktarka kanała «Maja kraina Biełaruś» Iryna Ščasnaja vyjšła na svabodu i źjechała ź Biełarusi
Jana praviała za kratami amal čatyry hady.
03.07.2024 / 12:08
Palitźniavolenaja Iryna Ščasnaja vyjšła na svabodu 29 červienia 2024 hoda. Jana praviała za kratami amal čatyry hady.
Ciapier kalehi Ščasnaj pa telehram-kanale «Maja kraina Biełaruś» paviedamili, što jana vyjechała z krainy:
«Ira, ty simvał mužnaści i stojkaści. My hanarymsia taboj i tvaim niazłomnym ducham. Tvoj šlach da svabody nahadvaje nam, što razam my zmožam pieraadoleć lubyja ciažkaści. Biełaruś budzie volnaj! Sardečna zaprašajem dadomu. Ira, my z taboj!»
***
Iryna Ščasnaja — aktyvistka, redaktarka papularnych telehram-kanałaŭ, siarod jakich «Maja kraina Biełaruś».
Iryna była zatrymana 18 listapada 2020 hoda była supracoŭnikami SK, jakija byli pieraapranutyja ŭ formu ŽES. Kali maci Iryny zachodziła ŭ padjezd doma, «supracoŭniki ŽES» spytali ŭ jaje, ci jość u kvatery haračaja vada. Kali maci dziaŭčyny adkazała, što nie žyvie tut, ludzi zajšli ź joj u padjezd i žorstka adšturchnuli stałuju žančynu. U kvatery Iryny byŭ praviedzieny vobšuk, kanfiskavanyja noutbuk, telefon, hrošy. Paśla hetaha Irynu pavieźli dla dopytu ŭ SK.
Ščasnuju sudzili pa adnoj kryminalnaj spravie z Paŭłam Sieviaryncam, Dźmitryjem Kazłovym, Jaŭhienam Afnahielem, Paŭłam Juchnievičam, Maksimam Viniarskim i Andrejem Vojničam.