Z kałonij pačali vypuskać pieršych palitviaźniaŭ
Pravaabarončyja inicyjatyvy namiakajuć na toje, što z kałonij vyjšli niekatoryja z palitviaźniaŭ, ale pakul nie nazyvajuć imiony vyzvalenych i ich kolkaść.
03.07.2024 / 12:28
Kałonija ŭ Babrujsku. Ilustratyŭnaje fota
«Siońnia buduć dobryja naviny. Sačycie za apdejtami», — napisaŭ kiraŭnik «Bajsoła» Andrej Stryžak u svaim telehram-kanale.
U inicyjatyvie «Palitviazynka», jakaja dapamahaje palitźniavolenym žančynam, źjaviŭsia nastupny dopis: «Dobryja naviny pastupajuć z žanočaj kałonii. Čakajem fota na svabodzie».
Havorka idzie nie pra vyzvaleńnie tych, u kaho skončyŭsia termin, bo takaja pracedura nie adbyvajecca ŭ vychodnyja dni. Kali ŭ kahości sapraŭdy skančajecca termin 3 lipienia, ich užo vyzvalili b učora.
Vyhladaje, što vyzvaleńnie palitviaźniaŭ źviazanaje z učarašnim anonsam Alaksandram Łukašenki. Jon zajaviŭ, što ŭ bližejšyja dni niekatoryja z asudžanych mohuć vyjści na svabodu.
Kaho z palitviaźniaŭ mohuć vypuścić paśla anonsu Łukašenki?
Łukašenka anansavaŭ vyzvaleńnie ciažkachvorych palitviaźniaŭ