U Varšavie pamierła 18-hadovaja biełaruska, dla jakoj źbirali hrošy na lačeńnie sarkomy
27 červienia nie stała Lizaviety Bryleŭskaj. U mai 18-hadovaj biełaruscy sabrali 139 tysiač jeŭra na lačeńnie ankałohii.
03.07.2024 / 13:41
U dziaŭčyny z 2019 hoda była chvaroba — sarkoma kryžova-kopčykavaj vobłaści. U mai hetaha hoda dla jaje arhanizavali zbor u 138,6 tysiač jeŭra. Hetyja hrošy byli patrebnyja dla lekavańnia ŭ niamieckim špitali «Šaryte». Sabrać sumu ŭdałosia za tydzień.
Jak piša Hrodna.life, šeść cykłaŭ chimijaterapii ŭ varšaŭskim dziciačym centry zdaroŭja dziaŭčyna nie zmahła całkam prajści, bo arhanizm byŭ mocna asłableny. U pačatku červienia Lizie stała horš i transparciroŭka z Varšavy ŭ Bierlin stała niemahčymaj.
3 lipienia adbyvajecca raźvitańnie ź Lizaj u Hrodnie: da 16:00 na praśpiekcie Kasmanaŭtaŭ, 74A. U 18:00 pačniecca raźvitańnie ŭ kaściole ŭ Raduni (Voranaŭski rajon). Jano praciahniecca da 4 lipienia. Pachavajuć Lizavietu na novych mohiłkach u Raduni 4 lipienia ŭ 16:00.