Rasija ździejśniła rakietna-dronavuju ataku na Dniapro. Jość zahinułyja
Na hety momant viadoma pra 5 zahinułych i 47 paciarpiełych.
03.07.2024 / 17:11
Ataka na Dniapro. Skrynšot videa
Rasija atakavała Dniapro 3 lipienia. Videa z nastupstvami apublikavaŭ Uładzimir Zialenski.
Pavietranyja siły Ukrainy zajavili, što im udałosia źbić adzin z troch zapuščanych «Iskanderaŭ», usie čatyry rakiety Ch-59 i piać «šachiedaŭ».
Nastupstvy ataki. Fota: th-kanał Siarhieja Łysaka, kiraŭnika Dniaproŭskaj abłasnoj administracyi
Metaj ataki moh być zavod «Južmaš», jaki vyrablaje rakietna-kaśmičnuju techniku. Pra heta napisali rasijskija vajenkary i dziaržaŭnyja miedyja.
Nastupstvy ataki. Fota: th-kanał Siarhieja Łysaka, kiraŭnika Dniaproŭskaj abłasnoj administracyi
4 lipienia ŭ Dniapry abvieścili dniom trauru.