Padmurak nachilenaha doma na vulicy Kupreviča ŭ Minsku ŭmacujuć palami
Hmach z 16 pavierchaŭ, jaki prapisaŭsia na Kupreviča, 16 u minskim Uruččy, daŭ praźmiernuju ŭsadku i nachiliŭsia bolš, čym naležyć. Z-za niepryjemnaha siurpryzu zdaču doma zatrymali amal na piać hadoŭ. Letaś zabudoŭščyk — Minski domabudaŭničy kambinat — narešcie ŭručyŭ klučy dolščykam 3-j siekcyi. Adnak prablemy zastalisia, i ŭ Minharvykankamie raskazali, jak buduć umacoŭvać padmurak.
03.07.2024 / 21:33
Prablemny dom na Kupreviča, 16. Fota: Onliner.by
Pra raboty, jakija płanujecca pravieści ŭ prablemnym domie, paviedamiŭ namieśnik staršyni Minharvykankama Alaksandr Černikaŭ. Videafrahmient apublikavany ŭ aficyjnym telehram-kanale Minskaha haradskoha vykanaŭčaha kamiteta.
Čynoŭnik skazaŭ, što pa domie pa vulicy Kupreviča byli peŭnyja prablemy, i dadaŭ, što treciaja siekcyja ŭžo była ŭviedzienaja, a pa pieršaj i druhoj siekcyjach byli raspracavany prajektnyja rašeńni, źviazanyja z uzmacnieńniem padmurka. Jany ciapier prachodziać ekśpiertyzu.
Pavodle słoŭ Alaksandra Černikava, u červieni 2024 hoda była abjaŭlenaja pracedura, jakaja tyčycca vybaru padradnaj arhanizacyi pa ŭładkavańni palaŭ. Jaje vyniki padviaduć 5 lipienia. Paśla taho, udakładniŭ čynoŭnik, padradčyk adrazu vyjdzie na abjekt.
«Heta budzie ŭžo ŭ hetym miesiacy. Na pieršym etapie vykanajuć 45 burainjekcyjnych palaŭ, ź jakich dzieviać pavinny prajści vyprabavańni», — paviedamiŭ namieśnik staršyni Minharvykankama.
Paśla treba budzie zrabić jašče 257 palaŭ — pa vosiem štuk u dzień. Składanaści dadaje toje, što raboty treba vykanać u padvalnych pamiaškańniach doma, ale, niahledziačy na heta, umacavańnie padmurka płanujecca zaviaršyć za leta i vosień.
Dom na Kupreviča, 16 pačali budavać u 2017 hodzie. U im try siekcyi pa 16 pavierchaŭ i 235 kvater. Ale ŭ 2019 hodzie budoŭla raptam spyniłasia, bo vyśvietliłasia, što dom, jaki staić na miescy rečyšča byłoj raki, daŭ praźmiernuju ŭsadku.
«My ‒ niaščasnyja ludzi». Dolščyki minskaj doŭhabudoŭli zapisali videazvarot da Łukašenki
Urad dazvoliŭ zdavać u ekspłuatacyju damy ź niezavieršanymi rabotami