Aryna Sabalenka aficyjna adchiliła zaprašeńnie MAK na Alimpijadu-2024 u Paryžy
Mižnarodny alimpijski kamitet (MAK) abnaviŭ danyja ŭ śpisie niejtralnych atletaŭ ź Biełarusi i Rasii, dapuščanych na Alimpijskija hulni-2024 u Paryžy.
04.07.2024 / 07:39
Fota: Mike Hewitt / AP
Biełaruskaja tenisistka Aryna Sabalenka aficyjna admoviłasia ad udziełu na turniry. Pad jaje proźviščam ukazana «zaprašeńnie adchilena», źviartaje ŭvahu Priessboł.
Darečy, zaprašeńnie pryniata Viktoryjaj Azarankaj. Abiedźvie tenisistki na dadzieny momant lečacca ad traŭmy plača i nie hulajuć na «Uimbłdonie».
Nahadajem, što ŭ śpisie niejtralnych atletaŭ ź Biełarusi, dapuščanych da Alimpijskich hulniaŭ-2024 u Paryžy, ličycca 16 čałaviek.
Kolki biełaruskich spartoŭcaŭ na siońnia zajaŭlenyja na Alimpijadu? Vielmi mała
Aryna Sabalenka źniałasia z Uimbłdona
Rutenka: Z tenisistak na Alimpijadu jedzie tolki Azaranka