Na polska-biełaruskaj miažy pamior dalnabojščyk
Vielizarnyja čerhi na miažy nie spryjajuć dobramu samaadčuvańniu kiroŭcaŭ. Kiroŭca hruzavika straciŭ prytomnaść u Małaševičach na polska-biełaruskaj miažy.
04.07.2024 / 13:41
Ilustracyjnaje fota
Bryhada chutkaj dapamohi kanstatavała śmierć mužčyny, paviedamlaje Radyjo Svaboda sa spasyłkaj na Dziennik Wschodni.
Trahičnaje zdareńnie adbyłosia ranicaj 3 lipienia kala respublikanskaj darohi № 2. Tut i staić čarha hruzavikoŭ, jakija čakajuć mytnaha afarmleńnia na terminale ŭ Karoščynie.
«65-hadovy mužčyna źnieprytomnieŭ, vyjšaŭšy z kabiny hruzavika. Da pryjezdu bryhady chutkaj dapamohi mužčyna nie moh aprytomnieć. I jana pryznała jaho miortvym» — paviedamiła pamočnica kamisara Barbara Salčyńska-Pyrchla, pres-sakratarka palicyi Biełaj Padlaskaj.
65-hadovy mužčyna byŭ hramadzianinam Polščy. Na rašeńnie prakuratury cieła kiroŭcy zabrali dla ŭskryćcia.
Na hety momant Karoščyn — adziny dziejny polska-biełaruski pierachod dla tranzitnaha ruchu.