ЗША вітаюць вызваленне беларускіх палітвязняў і заклікаюць вызваліць астатніх
ЗША вітаюць вызваленне некаторых палітвязняў у Беларусі. Заяву намесніка памочніка дзяржсакратара Крыстафера Сміта апублікавала ў твітары амерыканская амбасада ў Мінску.
04.07.2024 / 14:10
«Мы вітаем навіну аб вызваленні некаторых з найбольш уразлівых палітычных зняволеных Беларусі. Больш за 1400 палітвязняў застаюцца несправядліва затрыманымі. Мы заклікаем іх неадкладна вызваліць і пацвярджаем нашу прыхільнасць правам чалавека і дэмакратыі ў Беларусі», — гаворыцца ў заяве.
2 ліпеня Аляксандр Лукашэнка анансаваў выхад на волю некалькіх палітвязняў, у асноўным, з анказахворваннямі. На цяперашні момант праваабаронцам вядомыя імёны 10 вызваленых чалавек, але яны, за выключэннем Рыгора Кастусёва, не называюцца.
Вольга Гарбунова назвала вызваленне палітвязняў «вельмі важным крокам гуманнасці»
Прызналі палітвязнямі яшчэ 8 чалавек
З калоній пачалі выпускаць першых палітвязняў