Huteryš na sustrečy z Łukašenkam havaryŭ pra amnistyju palitviaźniaŭ i pravy čałavieka
Hienieralny sakratar AAN Antoniu Huteryš na sustrečy z Alaksandram Łukašenkam u Astanie vykazaŭ zaniepakojenaść situacyjaj z pravami čałavieka ŭ Biełarusi. Pra heta paviedamili ŭ pres-słužbie hiensieka. Pres-słužba Łukašenki abyšłasia ahulnymi słovami i pra heta nie ŭzhadvaje.
04.07.2024 / 14:23
«Hienieralny sakratar vykazaŭ zaniepakojenaść situacyjaj z pravami čałavieka ŭ Biełarusi. Jon vykazaŭ pažadańnie, kab učorašniaja amnistyja stała krokam da poŭnaj pavahi pravoŭ čałavieka i asnoŭnych svabod u Biełarusi», — havorycca ŭ paviedamleńni.
Tam adznačajecca, što sustreča adbyłasia na prośbu Łukašenki.
Pres-słužba Łukašenki pra źmiest hutarki napisała ahulnyja słovy, adznačyŭšy, što Łukašenka i Huteryš havaryli za začynienymi dźviaryma, paśla pratakolnaj zdymki, nijakich zajaŭ nie rabili. Tam dadali, što Biełaruś «aktyŭna vystupaje z trybuny AAN suprać adnabakovych prymusovych zachadaŭ», a «ŭ krainie stvorana nacyjanalnaja architektura pa vykanańni paradku dnia AAN u halinie ŭstojlivaha raźvićcia na pieryjad da 2030 hoda».
ZŠA vitajuć vyzvaleńnie biełaruskich palitviaźniaŭ i zaklikajuć vyzvalić astatnich
Volha Harbunova nazvała vyzvaleńnie palitviaźniaŭ «vielmi važnym krokam humannaści»
Vypuścili staršyniu BNF Ryhora Kastusiova