U Litvie zabaraniła viaščańnie anłajn-TB, zarehistravanaha na Siejšełach. Kampaniju padazrajuć u suviaziach ź Biełaruśsiu
Zabłakavanyja zrazu 12 kanałaŭ.
04.07.2024 / 16:00
Tranślacyja prahram televizijnaj hrupy tavo.tv u Litvie prypynienaja pa rašeńni miascovaj Kamisii pa radyjo i telebačańni.
Litoŭskija ŭłady paśla manitorynhu ŭ červieni ŭstanavili, što teleprahramy hrupy tavo.tv uskosna kantralujucca ź Biełarusi, tamu retranślacyja abo raspaŭsiud hetych prahram na terytoryi Litvy parušaje zakon, piša LRT.
Kamisija abaviazała dziejnych TB– i internet-viaščalnikaŭ prypynić raspaŭsiud prahram «Tavo.tv», «Tavo.tv DRAMA», «Tavo.tv ROMANCE», «Tavo.tv HORROR», «Tavo.tv KIDS», «Tavo.tv COMEDY», «Tavo.tv ACTION», «Tavo.tv FANTASTIC», «Tavo.tv FAMILY», «Tavo.tv ADVENTURE», «Tavo.tv HISTORY» i «Tavo.tv CINEMA 4K» u suviazi z pahrozaj nacbiaśpiecy.
Pa zakonie, u Litvie zabaroniena raspaŭsiudžvać radyjo– i teleprahramy arhanizacyj, jakija finansujucca Rasijaj i Biełaruśsiu.
Miarkujučy pa infarmacyi na sajcie tavo.tv, kampanija, jakaja vałodaje anłajn-telebačańniem, zarehistravanaja na Siejšelskich astravach.
Paśla 30 hadoŭ pracy spyniŭ viaščańnie pieršy pryvatny haradski telekanał Homiela
U televizijnym pakiecie «Biełtelekama» zapuścili novy eratyčny kanał