Siońnia kala homielskaha SIZA №3 sabrałasia nievierahodna vialikaja čarha
Apošnija paŭhoda čarhu na pieradaču režymnaj pasyłki albo na karotkaterminovaje spatkańnie ŭ SIZA-3 svajaki padślednych zajmajuć z nočy.
04.07.2024 / 15:45
Niekatoryja ź ich navat načujuć u mašynach kala ŭvachodu ŭ izalatar ź viečara papiaredniaha dnia. Ale siońnia, jak kažuć vidavočcy, kolkaść ludziej prosta zaškalvaje, piša Mayday.team.
Hramadzian bieź pieradač, jakija pryjechali tolki ŭdakładnić dzie znachodzicca ich svajak, pierastali puskać unutr, inšyja čakajuć. Nieadnarazova na praciahu dnia situacyja napalvałasia litaralna da fizičnaha supraćstajańnia.
Administracyja SIZA ŭ supraćstajańnie nie ŭmiešvajecca. Situacyja moža śviedčyć ab pierapoŭnienaści hetaj papraŭčaj ustanovy. Pieradać pasyłku na praciahu dnia zmohuć nie ŭsie, zaznačajuć pravaabaroncy.