Siarod rasijan zafiksavali rost kolkaści prychilnikaŭ mirnych pieramovaŭ z Ukrainaj
Za praciah vajny čaściej za ŭsio vystupali respandenty z Maskvy.
05.07.2024 / 11:16
Evgeniy Maloletka / AP
Padčas apytańnia, praviedzienaha daśledčaj arhanizacyjaj u kancy červienia, u padtrymku mirnych pieramovaŭ vykazalisia 58% respandentaŭ. Heta maksimalny pakazčyk za čas daśledavańnia, adznačyli ŭ «Levada-centry», piša «Mieduza».
Papiarednija piki prypadali na kastryčnik 2022 hoda i listapad 2023 hoda — pa 57%. Pry hetym 37% apytanych ličać, što treba praciahvać vajskovyja dziejańni.
Mierkavańnie ab nieabchodnaści pierachodu da mirnych pieramovaŭ čaściej za astatnich dekłarujuć žančyny (64%), maładyja rasijanie (66% va ŭzroście ad 18 da 24 hadoŭ), tyja, kamu ledź chapaje na ježu (64%) i žychary viosak (65%).
Ab tym, što ŭvarvańnie va Ukrainu treba praciahvać, čaściej za ŭsio kazali mužčyny (47%), respandenty va ŭzroście 55 hadoŭ i starejšyja (40%), bolš zabiaśpiečanyja rasijanie (40% siarod tych, chto moža dazvolić sabie tavary praciahłaha karystańnia) i žychary Maskvy (56%).