HUBAZiK vypadkova apublikavaŭ dakumient sa śpisam kantaktaŭ numara, što naležyć viadomamu doktaru
Dakumient byŭ adrazu vydaleny, ale jaho paśpieli zachavać.
05.07.2024 / 15:05
Siońnia dniom hrodzienskija siłaviki ŭ svaim kanale apublikavali dakumient, jaki amal adrazu byŭ vydaleny, adnak pravaabaroncy paśpieli zachavać jaho, piša «Viasna».
Vyśvietliłasia, što ŭ dakumiencie paznačany numar telefona vybitnaha hrodzienskaha doktara Siarhieja Zimatkina i, vierahodna, śpis jahonych kantaktaŭ.
Siarhiej Zimatkin — zahadčyk kafiedry histałohii, cytałohii i embryjałohii Hrodzienskaha mieduniviersiteta. Jon aŭtar 700 navukovych publikacyj (200 ź jakich byli apublikavanyja za miažoj), aŭtar čatyroch padručnikaŭ. U 2018 hodzie lekar atrymaŭ miedal Franciška Skaryny.
Častka kantaktaŭ z dakumienta siłavikoŭ supadaje ź imionami kalehaŭ Siarhieja Michajłaviča.
Ci byŭ zatrymany doktar, ci jon tolki ŭ «raspracoŭcy» siłavikoŭ — nieviadoma.