Elektronny barjer na polska-biełaruskaj miažy stanie bolš ščylnym
Na vykanańnie ŭsich rabot była zakantraktavanaja suma bolš za 31 miljony jeŭra.
05.07.2024 / 15:41
Fota: Straž graniczna
Pamiežnaja varta Polščy paviedamiła ab padpisańni kantraktu na madernizacyju elektronnaha barjeru na polska-biełaruskaj miažy, infarmuje Polskaje radyjo
«Na vykanańnie ŭsich rabot była zakantraktavanaja suma bolš za 125 młn złotych (bolš za 31 młn jeŭra)», — havorycca ŭ paviedamleńni.
Jak raniej paviedamlała pres-sakratar Padlašskaj pamiežnaj varty major Katažyna Zdanovič, elektronny barjer budzie papoŭnieny, miž inšym, dadatkovymi kamierami i aśviatleńniem. Płanujecca, što hetyja raboty praciahnucca da kastryčnika.
Taksama jana anansavała raboty pa ŭmacavańni płotu. Pahadnieńnie ŭ hetym pytańni pavinna być padpisana na nastupnym tydni.