Prapahandyst ANT raskazaŭ, jak jeździŭ u Litvu zdymać siužet
Niadaŭna na ANT vypuścili film pra asudžanych supracoŭnikaŭ sanatoryja «Biełaruś» u Druskienikach (Litva). Nahadajem, byłoha hałoŭnaha doktara sanatoryja Andreja Kobiela asudzili na 9 hadoŭ pazbaŭleńnia voli pa artykule «zdrada dziaržavie», supracoŭnicu Alenu Ramanaŭskienie, jakuju abvinavacili ŭ ahienturnaj dziejnaści, — na 6 hadoŭ. Prapahandyst ANT Anatol Zankovič jeździŭ u Litvu, kab źniać svoj siužet. Jak jaho tudy ŭpuścili?
05.07.2024 / 17:56
Anatol Zankovič. Skryn videa ANT
Zankovič raskazaŭ, što ŭ Litvu zdymačnaja hrupa pryjazdžała lehalna. Ale, viadoma, nie pa žurnalisckaj akredytacyi. Nijakaj bujnoj techniki — kamier, štatyvaŭ, mikrafonaŭ — z saboj nie brali.
«Nichto naohuł nie zrazumieŭ, što my byli čalcami zdymačnaj hrupy. Tamu što zdymali ŭsio na mabilny telefon»,
— padzialiŭsia jon z «SB. Biełaruś siehodnia».
Anatol Zankovič. Skryn videa ANT
Za špijanaž na karyść Litvy zatrymali byłoha hałoŭnaha doktara sanatoryja «Biełaruś»