Ispanija vybiła Hiermaniju z chatniaha čempijanatu Jeŭropy na 119-j chvilinie VIDEA
a vam škada niemcaŭ?
Ispanija — Hiermanija — 2:1 (dadatkovy čas).
05.07.2024 / 21:38
Kapitan kamandy Alvara Marata (№7) vitaje aŭtara pieršaha hoła Dani Olma (№10). Fota: Manu Fernandez / AP
Na 51-j chvilinie hoł z padačy 16-hadovaha Łamina Jamala zabiŭ paŭabaronca «Lajpcyha» Dani Olma, jaki ŭžo na 8-j chvilinie pieršaha tajma źmianiŭ traŭmavanaha Piedry.
Cikavy fakt, u matčy 1/8 finału suprać Hruzii Olma taksama vyjšaŭ na zamienu suprać Piedry i taksama zabiŭ hoł.
Na 89-j chvilinie Fłaryjan Virc lik zraŭniaŭ, pieravioŭšy hulniu ŭ aviertajm.
A na 119-j chvilinie kropku pastaviŭ Mikieł Marena z «Reała Saśjedad» — 2:1. Pas addaŭ Dani Olma.
Užo na samym ściažku čyrvonuju kartku atrymaŭ Dan Karvachal, ale niemcy nie zmahli realizavać štrafny ŭdar.
U siaredzinie dadatkovaha času sudździa nie pastaviŭ pienalci ŭ varoty Ispanii: miač trapiŭ u ruku Kukureły.
Z 1988 hoda haspadar spabornictvaŭ nikoli nie vyjhravaŭ damašni čempijanat. Navat uletku 2021 hoda, kali čempijanat prachodziŭ u 12 krainach, u finale zbornaja Anhlii prajhrała pa pienalci Italii.
U paŭfinale ŭ aŭtorak, 9 lipienia, Ispanija sustreniecca ź pieramožcam pary Francyja — Partuhalija, matč pačniecca siońnia a 22-j hadzinie.
Zaŭtra hulajuć Anhlija — Šviejcaryja (19:00) i Turcyja — Niderłandy (22:00)
Łamin Jamal: jak školnik ź biednaha katałonskaha rajona staŭ najlepšym raspasoŭščykam Jeŭra
Baćki hetaha 21-hadovaha forvarda zbornaj Ispanii pieški pierajšli Sacharu, kab vyratavacca ad vajny
Tureckija zaŭziatary źbirajucca masava pakazać «voŭčaje vitańnie» na matčy Turcyja — Niderłandy