Siaredni konkurs u Licej BDU imia Dziaržynskaha ŭpaŭ u paŭtara raza
Samym papularnym profilem sioleta staŭ hramadaznaŭčy.
09.07.2024 / 09:06
Fota z telehram-kanała Liceja BDU
U Licej BDU zaličyli 264 abituryjentaŭ sa 1133 pretendentaŭ, paviedamlajecca na sajcie ŭstanovy.
Atrymlivajecca, u siarednim pa ŭstanovie na adno miesca pretendavali 4,3 čałavieka. Letaś siaredni konkurs na pastupleńnie byŭ 7 čałaviek. Heta značyć, jon upaŭ u 1,6 raza.
Druhi hod zapar samym papularnym profilem zastajecca hramadaznaŭčy. Paŭprachadny bał skłaŭ 103.
Na druhim miescy fiłałahičny — 96,75. Na treciaj pazicyi historyka-hramadaznaŭčy — 95,5.
Dalej iduć infarmatyka-matematyčny (infarmatyka, matematyka) — 93,5; ekanamičny (matematyka, hramadaznaŭstva) — 93,5; fizičny (fizika, matematyka) — 91,7, matematyčny (matematyka, fizika) — 84,5; humanitarny (biełaruskaja mova, historyja Biełarusi) — 81,25.
Usiaho ŭ licei studenty navučajucca pa 12 profilach.
U červieni Liceju BDU prysvoili imia Fieliksa Dziaržynskaha. Z kastryčnika 2023 hoda navučalnuju ŭstanovu ŭznačalvaje Taćciana Mamčyc.
Liceju BDU prysvojena imia Fieliksa Dziaržynskaha
Eks-dyrektar Liceja BDU pra nadańnie imia Dziaržynskaha: Duchu liceja tam užo niama