U Stolinskim rajonie mužčyna atrymaŭ traŭmy, katajučysia na kruzie za kateram
Zdareńnie adbyłosia na race Prypiać u Stolinskim rajonie, u vyniku incydentu paciarpieŭ žychar stalicy, paviedamili va USK pa Bresckaj vobłaści.
09.07.2024 / 10:58
Pa danych śledstva, dniom 6 lipienia 50-hadovy žychar Minskaha rajona kiravaŭ małamiernym sudnam z padviesnym ruchavikom. Da katera pry dapamozie trosa byŭ prymacavany płavalny kruh, na jakim znachodziŭsia 48-hadovy mužčyna.
Vadziciel katera nie spraviŭsia z kiravańniem i dapuściŭ pierakulvańnie nadzimanaha kruha. U vyniku žycharu Minska naniesieny ciažkija cialesnyja paškodžańni.
Papiarednie ŭstanoŭlena, što žychar Minskaha rajona nie mieŭ prava kiravańnia matornym małamiernym sudnam. Kater ža nie prajšoŭ dziaržaŭnuju rehistracyju, kłasifikacyju i techničny ahlad.
Stolinskim rajonnym adździełam Śledčaha kamiteta ŭ dačynieńni da žychara Minskaha rajona raspačata kryminalnaja sprava pa č.2 art.316 KK (parušeńnie praviłaŭ biaśpieki ruchu abo ekspłuatacyi małamiernych sudnaŭ, jakoje paciahnuła pa nieaściarožnaści pryčynieńnie ciažkaha cialesnaha paškodžańnia).