Kiprski tyktokier staŭ deputatam Jeŭraparłamienta i raskazaŭ pra svoj šalony zarobak — 8000 jeŭra na miesiac plus ahromnistyja bonusy
«Kožny miesiac ja kładu u kišeniu 8000 jeŭra. Plus da hetaha kožny dzień ja prychožu ŭ parłamient i raśpisvajusia. Za heta ja atrymlivaju dadatkova pa 350 jeŭra».
09.07.2024 / 14:31
Fidzijas Paniajotu. Skryn videa: idiasmep / tiktok
Pra zarobki deputataŭ Jeŭrapiejskaha parłamienta raskazaŭ 24-hadovy Fidyjas Panajotu (Φειδίας Παναγιώτου) — deputat ad Kipra. Małady čałaviek źjaŭlajecca videabłohieram. Jaho kanał u jutubie maje zvyš 2,6 miljona padpisčykaŭ.
U krasaviku hetaha hoda Panajotu jak niezaležny kandydat vyłučyŭ svaju kandydaturu na vybary ŭ Jeŭraparłamient. Takim čynam jon chacieŭ zaklikać moładź hałasavać. Małady čałaviek pryznaŭsia, što sam da hetaha nikoli nie prymaŭ udziełu ŭ vybarach i mała što viedaje ab palitycy i Jeŭropie.
Staŭšy jeŭradeputatam, Panajotu rehularna vykładaje karotkija videa ab pracy parłamienta ŭ tyktoku, dzie jon maje akaunty jak na hreckaj, tak i na anhlijskaj movie.
Niekalki dzion tamu małady čałaviek raskazaŭ pra svoj zarobak jak jeŭradeputata. Panajotu śćviardžaje:
«Kožny miesiac u kišeniu ja kładu 8000 jeŭra. Plus da hetaha kožny pracoŭny dzień ja prychodžu siudy ŭ parłamient i raśpisvajusia. Za heta ja atrymlivaju dadatkovyja 350 jeŭra, što mnie zdajecca davoli dziŭnym».
Akramia hetaha, na zarobak kamandy Panajotu štomiesiac vydzialajuć 30 000 jeŭra, a taksama 5000 jeŭra na ŭtrymańnie ofisa deputata ŭ jaho krainie. U dadatak da hetaha jeŭradeputat moža vykarystać 4000 jeŭra na miesiac na prasoŭvańnie svajoj pracy ŭ parłamiencie.
«Jašče adzin pryšpilny zarobak — ja mahu vykarystoŭvać 10 000 jeŭra na miesiac, kab pryvodzić ludziej u parłamient, kab tyja ŭbačyli i zrazumieli, što ja tut rablu», — dzielicca Panajotu.
Ale i heta nie ŭsio. Błohier maje jašče i dadatkovyja lhoty — naprykład, kiroŭca ŭ Bruseli, kvitki biznes-kłasa na pieraloty dadomu.
Na siońnia videa nabrała bolš za 6,4 miljona prahladaŭ. Akramia niehatyŭnych kamientaroŭ, jość i śćviardžeńni ab tym, što taki vysoki zarobak tłumačycca nieabchodnaściu paźbiehnuć karupcyi.
Čamu pravyja zajmieli pośpiech na vybarach u Jeŭraparłamient? I čaho čakać?
Siaredni zarobak u Polščy pieravysiŭ 1880 dalaraŭ
Stała viadoma, kolki zarablajuć Iryna Akułovič i inšyja kiraŭniki BiełTA