Na darohach Biełarusi źjaviacca BTRy, «Kaciušy» i vajskovyja hruzaviki z rasijskimi ściahami
Praź Biełaruś projdzie rasijski prabieh.
09.07.2024 / 14:16
Fota: sacsietki
Na darohach na ŭschodzie Biełarusi ŭ najbližejšy čas źjavicca savieckaja vajskovaja technika z rasijskimi ściahami.
Praz Mahiloŭskuju vobłaść projdzie bronieprabieh «Daroha mužnaści», jaki arhanizujecca rasijskim «Vajskova-techničnym tavarystvam» i padtrymlivajecca Minabarony RF.
Bronieprabieh hetym razam pryśviečany 80-hodździu apieracyi «Bahracijon», jon arhanizavany pa maršrucie Maskva — Viaźma — Smalensk — Orša — łukašenkaŭskaja Aleksandryja — Mahiloŭ — Maskva.
U kałonie ruchajucca HAZ-69, UAZ-469, BTR-40, BRDM-1, BRDM-2, ZIŁ-157, ZIS-151, BN-13nm «Kaciuša» i štabnaja mašyna HAZ-66 R-142n.
U raniejšyja hady na savieckuju techniku, jakaja ŭdzielničała ŭ prabiehu, taksama nanosili Z-simvoliku.