U Biełarusi zrobiać abaviazkovymi i biaspłatnymi try novyja pryščepki
Pra źmieny raskazała Ała Daškievič, namieśnica hałoŭnaha doktara epidemijałohii Respublikanskaha centra hihijeny, epidemijałohii i hramadskaha zdaroŭja.
09.07.2024 / 14:45
Fota: Julia Borodun Belarus Health Ministry via AP
Nacyjanalny kalandar pryščepak dapoŭniać tryma pazicyjami.
Tak, u kalandar dadaduć vakcynacyju suprać pnieŭmakokavaj infiekcyi ŭsich dziaciej va ŭzroście da hoda. Rabić jaje buduć u 2, 4 i 12 miesiacaŭ. Pakul takija pryščepki praduhledžany ŭ hrupach ryzyki za košt biudžetu.
Jašče adna navacyja — uviadzieńnie busternaj vakcynacyi suprać koklušu (kochliku). Jaje buduć rabić dzieciam va ŭzroście šaści hadoŭ, bo niaredka chvarejuć padletki.
Dadaduć u kalandar taksama pryščepki suprać infiekcyi, vyklikanaj virusam papiłomy čałavieka (VPČ-infiekcyja), dziaŭčynkam 11 hadoŭ. Heta tłumačać nieabchodnaściu sfarmavać abaronu da pačatku pałavoha žyćcia.
Akramia taho, u hetym ža ŭzroście dzieciam robiać pryščepki suprać dyfteryi i słupniaka, što dazvolić sumiaścić vakcynacyju.