Прэм'ер Індыі заявіў Пуціну, што «вайна не рашэнне»
«Бомбы, ракеты, вінтоўкі не могуць гарантаваць мір», — сказаў Нарэндра Модзі падчас візіту ў Маскву.
09.07.2024 / 15:26
Фота: Alexander Nemenov/Pool Photo via AP
Прэм'ер-міністр Індыі Нарэндра Модзі заявіў прэзідэнту Расіі Уладзіміру Пуціну, што «вайна не рашэнне». Пра гэта ён сказаў на сустрэчы з Пуціным у Крамлі, каментуючы вайну ва Украіне, піша РБК.
«Рашэнне не можа быць з дапамогай вайны. Бомбы, ракеты, вінтоўкі не могуць гарантаваць мір. Таму мы робім акцэнт на дыялогу, і дыялог неабходны»,— сказаў Модзі.
Модзі падкрэсліў, што кажа гэта ў якасці «вашага сябра» і гэта неабходна для «светлай будучыні» нашага пакалення.
Модзі адзначыў, што падчас сустрэчы прэзідэнты абменьваліся думкамі па тэме Украіны ў «адкрытым ключы» з павагай адзін да другога.