Premjer Indyi zajaviŭ Pucinu, što «vajna nie rašeńnie»
«Bomby, rakiety, vintoŭki nie mohuć harantavać mir», — skazaŭ Narendra Modzi padčas vizitu ŭ Maskvu.
09.07.2024 / 15:26
Fota: Alexander Nemenov/Pool Photo via AP
Premjer-ministr Indyi Narendra Modzi zajaviŭ prezidentu Rasii Uładzimiru Pucinu, što «vajna nie rašeńnie». Pra heta jon skazaŭ na sustrečy z Pucinym u Kramli, kamientujučy vajnu va Ukrainie, piša RBK.
«Rašeńnie nie moža być z dapamohaj vajny. Bomby, rakiety, vintoŭki nie mohuć harantavać mir. Tamu my robim akcent na dyjałohu, i dyjałoh nieabchodny»,— skazaŭ Modzi.
Modzi padkreśliŭ, što kaža heta ŭ jakaści «vašaha siabra» i heta nieabchodna dla «śvietłaj budučyni» našaha pakaleńnia.
Modzi adznačyŭ, što padčas sustrečy prezidenty abmieńvalisia dumkami pa temie Ukrainy ŭ «adkrytym klučy» z pavahaj adzin da druhoha.