Kavaleŭski nazvaŭ dvuch čałaviek, jakija syšli ŭśled za im
Były dypłamat Valer Kavaleŭski niadaŭna abvieściŭ, što pakidaje Abjadnany pierachodny kabiniet. Akazałasia, što nie jon adzin.
09.07.2024 / 15:47
Pra heta były dypłamat raskazaŭ u efiry «Jeŭraradyjo».
Valer Kavaleŭski i Kirył Dańko. Fota: tvitar Kavaleŭskaha
Razam z Kavaleŭskim syšli dvoje čałaviek, jakija dapamahali jamu ŭ pradstaŭnictvie pa zamiežnych spravach pry Kabiniecie i kaho jon nabiraŭ u kamandu. Heta Kirył Dańko (byŭ pres-sakratarom Kavaleŭskaha) i Anton Piańkoŭski (u 2014-2021 hadach pracavaŭ u adździele publičnaj dypłamatyi pasolstva ZŠA ŭ Biełarusi).
Ciapier Kavaleŭski stvaraje Ahiencyju jeŭraatłantyčnaha supracoŭnictva. Dvoje jaho kaleh buduć pracavać tam ža.
U ahiencyi Kavaleŭski praciahnie zajmacca źniešnimi adnosinami — spryjać tamu, kab Biełaruś usprymałasia jak niezaležnaja dziaržava i atrymlivała padtrymku ad palityčnych sajuźnikaŭ.
Namieśnik Cichanoŭskaj Valer Kavaleŭski pakinuŭ pasadu
Valeryj Kavaleŭski patłumačyŭ, čamu pakinuŭ Kabiniet Cichanoŭskaj