Biełarus, jaki zakidaŭ kaktejlami Mołatava karaleŭski pałac u Osła, nibyta pierabłytaŭ jaho z parłamientam
Biełarus, jaki ŭ paniadziełak zakidaŭ karaleŭski pałac u Osła zapalnymi bombami, śćviardžaje, što zrabiŭ heta z čystaha adčaju, piša narviežskaje vydańnie Vg.no. Pry hetym mužčyna byŭ u invalidnym vazku.
09.07.2024 / 17:47
Fota: VG-tipser / Jan Gregersen
«Jon patłumačyŭ, što heta byŭ adčajny zaklik pra dapamohu i źviartańnie ŭvahi da siabie ŭ suviazi z tym, što jon ličyć parušeńniem pravoŭ čałavieka ŭ dačynieńni da jaho jak invalida», — raskazała VG abaronca biełarusa Marjana Łozič.
Łozič kaža, što mužčyna pryznaje siabie vinavatym u zroblenym i paniasie nastupstvy za svaje dziejańni. Ale jon nie mieŭ namieru nikomu pryčynić škodu, kaža jana.
Mužčyna, jak kažuć, byŭ ździŭleny, kali siońnia ranicaj pačuŭ, na što jon nasamreč napaŭ.
«Jon dumaŭ, što kidaje bomby ŭ stortynh, i byŭ ździŭleny, kali siońnia jamu paviedamili, što heta byŭ kazaleŭski pałac», — kaža Łozič.
Ci była akcyja spłanavanaj, jana kamientavać nie stała.
Fota: Helene Mariussen / VG
Biełaruski hramadzianin 50-hadovaha ŭzrostu byŭ departavany z Narviehii i ciapier znachodzicca ŭ vyšuku ŭ Niderłandach. U Narviehii jon znachodziŭsia kala tydnia, kaža advakatka, nie ŭdakładniajučy, pa jakoj pryčynie jaje klijent znachodzicca ŭ vyšuku.
Mužčynu zabaranili ŭjezd u ES i šerah krain Šenhienskaj zony na 10 hadoŭ, paviedamlaje TV 2. Palicyja ciapier sprabuje vyśvietlić, jak mužčyna apynuŭsia na narviežskaj ziamli.
«Heta budzie pradmietam častki pieršapačatkovaha rasśledavańnia, i my vierniemsia da hetaha, kali daviedajemsia bolš pra jaho znachodžańnie ŭ Narviehii», — skazała žurnalistu VG prakurorka palicyi Dženi Mary Sołhaard.
Na mužčynu zaviali kryminalnuju spravu, jon znachodzicca ŭ pastarunku. U aŭtorak jaho dapytvajuć u palicyi, a ŭ sieradu adpraviać pad vartu.
Pakul nie skončacca dopyty, palicyja nie choča kamientavać, jakija pakazańni daje mužčyna. Taksama narviežskaja palicyja padtrymlivaje kantakty ź lekarami nakont mahčymych fizičnych i psichałahičnych ekśpiertyz stanu zdaroŭja biełarusa.
U Osła biełarus kinuŭ dva kaktejli Mołatava ŭ karaleŭski pałac
Ministarka kultury Narviehii pakazała ŭ teleefiry aholenyja hrudzi