Ułady Polščy paprosiać u sajuźnikaŭ pa NATA padmacavańnie dla achovy miažy ź Biełaruśsiu
Polšča paprosić u sajuźnikaŭ pa NATA adpravić svaich palicejskich dla dapamohi ŭ achovie miažy ź Biełaruśsiu. Pra heta paviedamiła radyjostancyja RMF24.
09.07.2024 / 18:14
Mihranty z uschodu prasoŭvajuć ruki praz płot na miažy Polščy ź Biełaruśsiu
Pavodle najaŭnaj infarmacyi, pierš za ŭsio Varšava čakaje padtrymki ad Hrecyi, Ispanii i Italii ŭ suviazi z tym, što mienavita hetyja krainy majuć bahaty vopyt baraćby ź nielehalnaj mihracyjaj.
Raniej usie try dziaržavy admaŭlali Polščy ŭ hetym u suviazi z pazicyjaj papiaredniaha polskaha ŭrada. Jon nie akazvaŭ svoječasovuju dapamohu hetym krainam u chodzie napłyvu mihrantaŭ z Afryki, tłumačyć RMF24.
Akramia taho, polskija ŭłady płanujuć u najbližejšyja dni ŭdvaja pavialičyć kolkaść vajskovaj žandarmieryi na miažy ź Biełaruśsiu. Pa źviestkach radyjostancyi, z 24 červienia tam niasuć słužbu kala 100 supracoŭnikaŭ vajskovaj palicyi.
Ciapier polska-biełaruskuju miažu achoŭvajuć 6 tys. vajskoŭcaŭ, a taksama 1,5 tys. pamiežnikaŭ i supracoŭnikaŭ palicyi.
Elektronny barjer na polska-biełaruskaj miažy stanie bolš ščylnym
Polšča choča pryciahnuć pamiežnikaŭ ź Finlandyi, Hiermanii i Hrecyi dla abarony miažy ź Biełaruśsiu
Aktyvisty pryjechali na polska-biełaruskuju miažu «błakavać ruch». Ale heta błakavańnie ŭmoŭnaje