Vieterynar na Hrodzienščynie braŭ chabary navat padčas adbyćcia pakarańnia
U Bierastavickim rajonie 39-hadovy hałoŭny vieterynarny doktar adnaho ź sielhaspradpryjemstvaŭ braŭ chabar navat u čas, kali adbyvaŭ pakarańnie pavodle inšaha artykuła KK na papraŭčych rabotach. Miascovy sud užo vynies jamu novy prysud, paviedamlaje pres-słužba Hienieralnaj prakuratury.
09.07.2024 / 23:11
Jak paviedamili ŭ słužbie infarmacyi prakuratury Hrodzienskaj vobłaści, doktara ŭ 2023 hodzie asudzili za prypiski padziažu bujnoj rahataj žyvioły.
Ale ŭ 2023 i 2024 hadach, užo znachodziačysia na papraŭčych rabotach, mužčyna atrymaŭ ad pradstaŭnika kamiercyjnaha pradpryjemstva chabar na sumu zvyš 10 tys. rubloŭ za «spryjalnaje vyrašeńnie pytańniaŭ, jakija ŭvachodziać u jaho kampietencyju». Heta byŭ, naprykład praciah zakupki ŭ peŭnaha pastaŭščyka karmavych dabavak dla cialat na fiermie.
Kali pra heta daviedalisia, sud Bierastavickaha rajona pryznačyŭ mužčynu, zhodna z č. 1 i č. 2 art. 430 («Atrymańnie chabaru») KK novaje pakarańnie ŭ vyhladzie pazbaŭleńnia voli na termin 5 hadoŭ 1 miesiac z adbyvańniem u papraŭčaj kałonii va ŭmovach uzmocnienaha režymu.
Akramia taho, vieterynar atrymaŭ štraf u pamiery 330 bazavych vieličyń (13,2 tys. rubloŭ) i pazbaviŭsia prava na 5 hadoŭ zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ.
Hienprakuratura zaviała 20 kryminalnych spraŭ za chabary
U Hienprakuratury padličyli ŭzrovień karupcyi ŭ krainie
Aryštavanaha za chabar top-mieniedžara Biełčyhunki zvolnili pa karupcyjnym artykule